Kardiologiya

Kardiologiya şöbəmiz ürək və damar xəstəliklərinin erkən diaqnostikası, müalicəsi və profilaktikası üzrə ixtisaslaşmış tibbi bölmələrdən biridir. Burada ürəyin işemik xəstəlikləri, arterial hipertenziya, ürək ritm pozğunluqları, ürək çatışmazlığı və digər ürək-damar xəstəliklərinin müayinəsi və müalicəsi həyata keçirilir. Hər bir pasiyent üçün fərdi yanaşma əsasında diaqnostika və müalicə planı hazırlanır, ilkin konsultasiyadan başlayaraq sonrakı nəzarət mərhələsinədək peşəkar tibbi xidmət göstərilir.

Şöbəmiz müasir diaqnostik avadanlıqlar və yüksək texnologiyalı angioqrafiya laboratoriyası ilə təchiz olunmuşdur. Burada EKQ, Exokardioqrafiya (EXO), Holter monitorinqi, stress testləri və digər kardioloji müayinələr həyata keçirilir.

Ehtiyac olduqda angioqrafiya, invaziv kardioloji prosedurlar, qapalı (endovaskulyar) və açıq ürək əməliyyatları beynəlxalq tibbi protokollara uyğun şəkildə icra olunur.

Pasiyentlərimizin ürək sağlamlığının qorunması və xəstəliklərin erkən aşkarlanması əsas prioritetimizdir. Müasir diaqnostika imkanları, təcrübəli kardioloq və ürək-damar cərrahlarından ibarət peşəkar komanda sayəsində pasiyentlərə təhlükəsiz, dəqiq və yüksək keyfiyyətli tibbi xidmət təqdim edilir.

Məqsədimiz hər bir pasiyentə etibarlı və peşəkar kardioloji xidmət göstərmək, ürək-damar xəstəliklərini erkən mərhələdə aşkar etmək, müasir müalicə üsulları ilə ürək sağlamlığını qorumaq və onların həyat keyfiyyətini yüksəltməkdir.

Digər xidmətlər

Anesteziologiya Və Əməliyyatxana

Anesteziologiya və Əməliyyatxana şöbəmiz müxtəlif ixtisaslar üzrə cərrahi müdaxilələrin təhlükəsiz və beynəlxalq tibbi standartlara uyğun şəkildə həyata keçirildiyi müasir tibbi bölmələrdən biridir

Ətraflı