Dr. Kamala Məmmədova
Radioloq Həkim
09:00–17:00
09:00–13:00
Haqqında
Dr. Kamala Məmmədova radiologiya sahəsində uzunillik peşəkar təcrübəyə malik həkimdir. 1986–1996-cı illərdə Bakıda 80 nömrəli orta məktəbdə təhsil aldıqdan sonra 1997–2002-ci illərdə Azərbaycan Tibb Universitetinin Tibbi biologiya fakültəsində təhsil almışdır. 2002–2003-cü illərdə Bakıda Diaqnostika Mərkəzində radiologiya üzrə internatura keçmişdir. Peşəkar biliklərini daha da inkişaf etdirmək məqsədilə 2012–2013-cü illərdə İstanbul Tibb Fakültəsində radiologiya üzrə ixtisasartırma təhsili almış, 2015-ci ildə Vyana Tibb Universitetinin Brust Zentrum mərkəzində ixtisasartırma proqramında iştirak etmişdir. 2018–2023-cü illərdə Azərbaycan Tibb Universitetində Humanitar elmlər üzrə təhsilini davam etdirmişdir. Peşəkar fəaliyyətinə 2003-cü ildə New Med Klinikdə radiologiya sahəsində başlamış və 2008-ci ilədək burada çalışmışdır. 2008–2014-cü illərdə Medihouse Klinikdə ginekoloji radiologiya və süd vəzi diaqnostikası istiqamətində fəaliyyət göstərmiş, 2014–2018-ci illərdə Grand Hospitalın cərrahi şöbəsində radioloq kimi çalışmışdır. 2018-ci ildən Hayat Clinicdə radiologiya, ginekoloji radiologiya və süd vəzi diaqnostikası sahəsində fəaliyyət göstərərək, sonrakı dövrdə sonoqrafik nəzarətlə aparılan müdaxilələr və süd vəzi mərkəzində tomosintez diaqnostikası üzrə təcrübəsini inkişaf etdirmişdir. 2024-cü ildən etibarən isə Lux International Hospitalda radioloq kimi fəaliyyət göstərir.
Dr. Kamala Məmmədova peşəkar fəaliyyəti ərzində radiologiya, ginekoloji görüntüləmə və süd vəzi xəstəliklərinin diaqnostikası istiqamətində müxtəlif ixtisasartırma kurslarında iştirak etmişdir. 2015-ci ildə Medical Congress for Surgery, Oncology and Gastroenterology, 2017-ci ildə Advances in Fetal Medicine and Gynecologic Ultrasound – ISUOG, 2018-ci ildə Early Fetal Echocardiography – London Ultrasound School proqramlarında iştirak etmişdir. Həmçinin süd vəzi xərçənginin müasir diaqnostika və müalicə yanaşmaları, fetal görüntüləmənin erkən diaqnostikası, reproduktiv tibb, perinatologiya, ginekologiya və endokrinologiya üzrə müxtəlif beynəlxalq tibbi konqres və təlimlərdə iştirak edərək peşəkar biliklərini davamlı şəkildə təkmilləşdirmişdir. 2024–2025-ci illərdə Almaniyanın Menden şəhərində yerləşən Katholische Kliniken im Märkischen Kreis (KIM) müəssisəsində daxili xəstəliklər, kardiologiya, diabetologiya və intensiv terapiya istiqamətlərində praktiki təcrübə keçmişdir.
Dr. Kamala Məmmədovanın əsas fəaliyyət istiqamətlərinə radioloji müayinələr, ginekoloji radiologiya, süd vəzi diaqnostikası, sonoqrafik müayinələr, süd vəzinin tomosintez müayinəsi, fetal görüntüləmənin diaqnostikası və müasir görüntüləmə üsullarından istifadə etməklə müxtəlif xəstəliklərin erkən aşkarlanması daxildir. Müasir diaqnostik metodlardan istifadə edərək hər bir pasiyentin fərdi xüsusiyyətlərini nəzərə almaqla dəqiq və etibarlı radioloji qiymətləndirmə aparır.