Dr. Afət İbrahimli
Pediatr
09:00–17:00
09:00–13:00
Haqqında
Dr. Afət İbrahimli pediatriya sahəsində uzunillik peşəkar təcrübəyə malik həkim-pediatrdır. O, yenidoğulmuş və uşaqlarda müxtəlif xəstəliklərin diaqnostikası, müalicəsi, profilaktikası və inkişafın izlənməsi sahəsində geniş klinik təcrübəyə malikdir. Müasir pediatriya prinsiplərini və beynəlxalq müalicə protokollarını tətbiq edərək hər bir uşağa fərdi yanaşma əsasında yüksək keyfiyyətli tibbi xidmət göstərir. Dr. Afət İbrahimli ali tibb təhsilini Azərbaycan Tibb Universitetinin Pediatriya fakültəsində almışdır. Daha sonra elmi fəaliyyətini Sankt-Peterburq Dövlət Universitetində aspirantura səviyyəsində davam etdirmiş, pediatriya sahəsində peşəkar bilik və bacarıqlarını inkişaf etdirmək məqsədilə Türkiyənin Medipol Universitetində "Çocuk Sağlığı ve Hastalıkları" (Pediatriya) üzrə ixtisasartırma təhsili keçmişdir.
Peşəkar fəaliyyəti ərzində Ə. Qarayev adına Klinik Uşaq Xəstəxanasının Reanimasiya şöbəsində, N. Tusi adına Klinikada və Oksigen Klinikada pediatr kimi çalışaraq uşaqlarda kəskin və xroniki xəstəliklərin diaqnostikası və müalicəsi sahəsində zəngin klinik təcrübə qazanmışdır. O, uşaqların sağlam böyüməsi və inkişafının izlənməsi, profilaktik tibbi xidmətlərin təşkili və valideynlərin maarifləndirilməsi istiqamətində müasir tibbi yanaşmaları uğurla tətbiq edir. Dr. Afət İbrahimli peşəkar inkişafına xüsusi önəm verərək Congress of the European Academy of Allergy and Clinical Immunology (London), Türk Astım-Allergi Zirvəsi (Ankara), Ə. Əliyev adına Həkimləri Təkmilləşdirmə İnstitutu, Çocuk Həkiminin 1 Günü İnteraktiv Təlimi (Kipr) və Türkiyə Milli Pediatri Konqresi kimi beynəlxalq konfrans və təlim proqramlarında iştirak etmişdir. O, əldə etdiyi müasir tibbi bilik və təcrübəni gündəlik klinik fəaliyyətində tətbiq edərək uşaqlara beynəlxalq standartlara uyğun tibbi xidmət göstərir.
Dr. Afət İbrahimli tərəfindən göstərilən xidmətlərə uşaqlarda ümumi tibbi müayinə və diaqnostika, yenidoğulmuşların müayinəsi və izlənməsi, infeksion xəstəliklərin müalicəsi, allergik və respirator xəstəliklərin diaqnostika və müalicəsi, qidalanma və inkişafın izlənməsi, profilaktik müayinələr və peyvənd məsləhətləri, xroniki xəstəliklərin nəzarəti və müalicəsi, həmçinin hər bir uşaq üçün fərdi müayinə, müalicə və müşahidə planının hazırlanması daxildir.