Dr. Ramazan İsgəndərov
Plastik Cərrah
09:00–17:00
09:00–13:00
Haqqında
Dr. Ramazan İsgəndərov plastik, rekonstruktiv və estetik cərrahiyyə, eləcə də onkoloji-mammoloji rekonstruksiya sahəsində ixtisaslaşmış, uzun illər beynəlxalq təcrübəyə malik yüksək ixtisaslı cərrahdır. O, peşəkar fəaliyyəti ərzində estetik və rekonstruktiv cərrahiyyə, süd vəzi rekonstruksiyası və onkoloji cərrahiyyə istiqamətində müasir cərrahi üsulları uğurla tətbiq etmişdir. Xüsusilə rekonstruktiv plastik cərrahiyyə və süd vəzi əməliyyatları sahəsində geniş klinik təcrübəyə malikdir.
Dr. Ramazan İsgəndərov ali tibb təhsilinə Azərbaycan Tibb Universitetində başlamış, daha sonra təhsilini Rusiyanın Kemerovo Dövlət Tibb Akademiyasında davam etdirərək müalicə işi ixtisası üzrə başa vurmuşdur. Peşəkar inkişafını A. İ. Yevdokimov adına Moskva Dövlət Tibb-Stomatologiya Universitetində davam etdirərək onkologiya üzrə rezidentura və aspirantura təhsilini uğurla tamamlamışdır.
Bununla da o, onkologiya, rekonstruktiv və plastik cərrahiyyə sahəsində dərin nəzəri bilik və geniş praktik təcrübə qazanmışdır.
Peşəkar fəaliyyətinin böyük hissəsini N. N. Blokhin adına Rusiya Onkologiya Elmi Mərkəzində keçirən Dr. Ramazan İsgəndərov burada plastik cərrah, daha sonra isə süd vəzi xəstəliklərinin kompleks müalicəsi ilə məşğul olan ixtisaslaşmış şöbənin cərrahı kimi fəaliyyət göstərmişdir.
Sonrakı illərdə RDM tibb müəssisəsində plastik və rekonstruktiv cərrah, eyni zamanda onkoloq-mammoloq kimi çalışaraq estetik və rekonstruktiv cərrahiyyə sahəsində fəaliyyətini davam etdirmişdir.
Hazırda LUX International Hospital-da Plastik Cərrahiyyə şöbəsinin rəhbəri vəzifəsində çalışır.
Uzun illərə dayanan beynəlxalq təcrübəsi və müasir cərrahi yanaşmaları sayəsində Dr. Ramazan İsgəndərov estetik görünüşün bərpası, rekonstruktiv əməliyyatlar və onkoloji cərrahiyyədən sonrakı rekonstruksiya sahəsində yüksək peşəkarlığı ilə seçilir. O, hər bir pasiyentə fərdi yanaşma prinsipi əsasında müasir tibbi texnologiyalardan istifadə edərək təhlükəsiz və effektiv cərrahi müalicə həyata keçirir.
Dr. Ramazan İsgəndərov tərəfindən göstərilən xidmətlərə estetik plastik əməliyyatlar, rekonstruktiv plastik cərrahiyyə, süd vəzi rekonstruksiyası və estetik əməliyyatları, onkoplastik cərrahiyyə, dəri və yumşaq toxuma rekonstruksiyası, üz və bədən konturlama əməliyyatları, çapıq və deformasiyaların korreksiyası, həmçinin hər bir pasiyent üçün fərdi konsultasiya, cərrahi müalicə və əməliyyat planının hazırlanması daxildir.